ବିଲାତି ବାଲି

ବିଲାତି ବାଲିଟି ସାଜି ପରିବା ବିକାଳୀ

ପଚା ଦେଲା ପଚା ଦେଲା ଖାଉ ଥାଏ ଗାଳି । 

ବଜାରେ ବସି କି କରୁ ଥାଏ କାରବାର

ଗୋଦାମରୁ କିଣି ଆଣି ସିଏ ଭାର ଭାର ।

ବିଲାତିକୁ ଗ୍ରାହକଙ୍କୁ ଦେଉ ଥାଏ ବିକି

ଟଙ୍କା ନେଇ ଗାଞିଆରେ ଦିଏ ସିଏ ରଖି ।

ମାରି ନ୍ୟନ୍ତି କେତେ ଲୋକ ବାକି ଆଉ ଖାଲି

ପଇସା ମାଗି କି ଖାଏ ମାଡ ଆଉ ଗାଳି ।

ପଚି ଚପ ଚାପ ହେଉ ଥିବା ବିଲାତିକୁ

ବାଛି ବାଛି ଅଲଗା ସେ କରଇ ସବୁକୁ ।

ପାଖରେ ରଖି କି ଵିକେ ଅଳପ ଦର ରେ

ଲାଗି ରହି ଥାଏ ନିତି ବେପାର କାମରେ ।

ଚାନ୍ଦା , ଭଡ଼ା , ମାର୍ସୁଲରେ ସବୁ ଲାଭ ସରେ

ଚାଳିଶି ପଚାଶ ଟଙ୍କା ପାଏ ସେ ଦିନରେ ।

ଯେତେ ଦର ବୃଦ୍ଧି କଲେ ଅବା କିଶ ହେଲା

ଦର ବଢ଼ିଲେ ବାହାରେ  ଅଧିକ ପାଚିଲା ।

ଗାଈ ଛେଳି ଖାଇବାକୁ ବିକି ଦିଏ ତାକୁ

ଏହି ପରି ନିତି ଦିନ ସହଇ କ୍ଷତିକୁ ।

ଜୀବନ ଜୀବିକା ନିର୍ବାହରେ ଲାଗି ଥାଏ

ତେଲ ଲୁଣ ଖରଚଟି ଉଠି ଯାଉ ଥାଏ ।