ଭଲ ପାଏ ତୁମକୁ

ଭଲ ପାଏ ତୁମକୁ ମୁଁ

           ପ୍ରେମ କରେ ଏତେ,

ଆକାଶରେ ଝିଲିମିଲି

            ତାରା ଅଛି ଯେତେ |

ଭଲ ପାଅ ଯଦି ମୋତେ

             କହିଦିଅ ଥରେ,

ସୁଖୀ ହୋଇ ରହିଥିବା

             ଆମେ ଜଗତରେ |

ଦେଖି ମୁଁ ତୁମକୁ କେବେ

             ଭାବେନାହିଁ ପର,

ସାଥି ଅଟ ତୁମେ ମୋର

              ଜନ୍ମ ଜନ୍ମାନ୍ତର |

ତୁମ ରୂପ ତୁମ ଗୁଣ

             ଦେଖି ମୁଁ ଭାବିଲି,

ତୁମ ହାତ ଧରିଲେ ମୁଁ

             ଧନ୍ୟ ହେବିବୋଲି |

ତରୁଲତା ସାକ୍ଷୀ ଥିବେ

              ସାକ୍ଷୀ ଥିବ ଜହ୍ନ,

ପ୍ରେମ ସପ୍ତାହରେ ମୋର

              ଏହି ନିବେଦନ |

କହୁଛି ମୋ ମନ କଥା

             କବିତା ରୂପରେ,

ଭାବେ ଭାବିବ ମୋ କଥା

             ନିଶ୍ଚେ ହୃଦୟରେ |

ଉତ୍ତର ଆସିବ ବୋଲି

             ମନେ ଅଛି ଆଶା,

ନିରାଶ କରିବ ନାହିଁ

              ଅଛି ସେ ଭରଷା |