ଭଲ ଲାଗେ ମୋତେ ଗାଆଁଟି

ଦେଢ଼ ମାସ ହେଲା ଗାଁ ଛାଡିଲିଣି

       ସହରେ କରୁଛି ଡିଉଟି 

ଚିକେନ ମଟନ ଆଉ ରୁଚୁନାହିଁ

     ଶାଗ ପଖାଳ ରେ ମନଟି ।

    ଭଲ ଲାଗେ ମୋତେ ଗାଁଟି...

ତାଲାବନ୍ଦ୍ ଏଠି ବ୍ୟତିବ୍ୟସ୍ତ କରେ

      ନ ଥାଏ ଗାଆଁର ମଜାଟି 

ଯେଉଁଠି ନ ଥାଏ କଟକଣା ଆଜି

     ସିଏ ମୋର ମାଟି ମାଆଟି ।

   ଭଲ ଲାଗେ ମୋତେ ଗାଁଟି...

କି ସୁନ୍ଦର ଆହା କି ଆନନ୍ଦମୟ

      ଚାଷକାମ ଥାଏ ଯୋଉଠି 

ରାତି ପାହିଗଲେ ସୂରୁଜ ଉଇଁଲେ

     ରାବ ଦେଇଥାଏ କୁଆଟି ।

   ଭଲ ଲାଗେ ମୋତେ ଗାଁଟି...

ଅଷ୍ଟପ୍ରହରୀ ଠୁ ତାରିଣୀ ଯଜ୍ଞ ରେ

      ପ୍ରଭୁ ଭାବେ ଯାଏ ମଜ୍ଜି ଟି 

ତ୍ରିନାଥ ମେଳା ର ଅପୂର୍ବ ଆନନ୍ଦ

      ସହରେ ମିଳୁଛି କେଉଁଠି । 

    ଭଲ ଲାଗେ ମୋତେ ଗାଁଟି...

ମାଛ ଧରା ଆଉ ତାସ୍ ସାଙ୍ଗକୁ

      କ୍ରିକେଟର ମଜା ସେଇଠି 

ମନ୍ଦିର ବେଢ଼ାରେ ଘଣ୍ଟ ବଜେଇ କି

     ସନ୍ଧ୍ୟା ର ଆନନ୍ଦ ପାଏଟି । 

    ଭଲ ଲାଗେ ମୋତେ ଗାଁଟି...

ଚାରିଟା ବେଳକୁ ଜ୍ଞାନ ଭାଇ ସାଥେ

     ସଂଜେ ନିତି ଯାଏ ବୁଲିଟି 

ଜଗନ୍ନାଥ ନାମ ଭଜି ଭଜି ଖାଲି

      କଟିଯାଏ ମୋର ଦିନଟି ।

    ଭଲ ଲାଗେ ମୋତେ ଗାଁଟି...

ସ୍କୁଲ୍ ଦଣ୍ଡାରେ ସାଙ୍ଗ ସାଥୀ ମେଳେ

      କେତେ କରୁଥିଲି ମୁଁ ଖଟି 

ସୁଯୋଗ ମିଳିଲେ ଭୋଜି ପାଇଁ ଆମ

      ଅପେକ୍ଷାର ରବିବାରଟି ।

    ଭଲ ଲାଗେ ମୋତେ ଗାଁଟି...

ସକାଳୁ ଉଠିଲେ ଆଉ ଦିଶୁନାହିଁ

      ବାପା ବୋଉଙ୍କର ମୁହଁଟି 

ଏ ସହର ଆଉ ଲାଗୁନାହିଁ ଭଲ

    ମନେ ପଡ଼େ ମୋର ଗାଁ ମାଟି ।

    ଭଲ ଲାଗେ ମୋତେ ଗାଁଟି...

କରୋନା ଭୟଟା ଖୁସି ପାଲଟିଲା

     ଗାଆଁରେ ବରଷେ ମୁଁ କାଟି 

ଭାରି ଭଲ ଥିଲା ଗାଁର ମମତା

     ସହରେ ହେଉଛି ମୁଁ ଘାଣ୍ଟି ।

    ଭଲ ଲାଗେ ମୋତେ ଗାଁଟି...

ଚାରିଆଡ଼େ ଖାଲି ହାହାକାର ଶୁଭେ

      ଭାଇଚାରା ନାହିଁ ଏଇଠି 

ଆଗକୁ ପଛକୁ କେହି ନାହିଁ ମୋର

      ଜୟ ଜଗନ୍ନାଥ ସାହାଟି ।

   ଭଲ ଲାଗେ ମୋତେ ଗାଁଟି...

   ଭଲ ଲାଗେ ମୋତେ ଗାଁଟି...