ଭକତ ମେଳେ, ସାଆନ୍ତେ ଫେରିବେ ବଡ଼ ଦେଉଳେ

ବରଷକୁ ଥରେ

ଆସିବେ କଥା ଦେଇ ଅଛନ୍ତିରେ

ପହଁଚିବେ ନିଶ୍ଚିତରେ

ରହିବେ ନଅ ଦିନ ମାଉସୀ ସାଥିରେ

ନନ୍ଦିଘୋଷରେ

ଜଗା ଯାଇଥିଲା ମାଉସୀ ଘରେ,

ତାଙ୍କ ଆଗରେ,

ଅଗ୍ରଜ ଓ ଅନୁଜା ଥିଲେ ସାଥିରେ

ବଡ଼ ଦାଣ୍ଡରେ,

ଭକ୍ତ ଟାଣି ନେଲେ ମାଉସୀ ଘରେ,

ନଅ ଦିନ କାଳ,

ଜନ୍ମବେଦୀରେ ପରା ଲୀଳା ରଚିଲ,

କହିନ ଲକ୍ଷ୍ମୀଙ୍କୁ,

ରଥ ଭାଙ୍ଗିଲେ, ରୋଷ କରି ତୁମକୁ,

ଆଷାଢ଼ ମାସରେ

ଫେରିବ ଠାକୁର ଶୁକ୍ଳ ଦଶମୀରେ

ଭକତ ମେଳରେ,

ବାହୁଡା଼ ଯାତ୍ରା ତିନି ରଥ ଉପରେ

ନାକଚଣା ଦ୍ୱାରରେ,

ଦଣ୍ଡାୟମାନ ତିନି ରଥ ଅପେକ୍ଷାରେ,

ବାଜଇ ଭେରୀ,

ତୁରୀ, ଜୟ ଗାନରେ ହରଷ ପୁରି

ଝୁଲି ଝୁଲି ହଲି,

ଆସୁଛି କାଳିଆ, ଦେଖେ ତା ବାଙ୍କ ଚାହାଣୀ

ପଣ୍ଡା ପଢିହାରି,

କରନ୍ତି ପହଣ୍ଡି କମ୍ପେ ଗୁଣ୍ଡିଚା ମନ୍ଦିର,

ଶରଧାବାଲିରୁ,

ଫେରୁଛ, ବୁଝାଇ ଦିଅ ଲୀଳାକୁ କଳା ଠାକୁର ।।