ବାପା
ବାପା
ତୁମକୁ ଖୋଜୁଛି ବର୍ଣ୍ଣମାଳା ଓ
ମାତ୍ରାର ବର୍ଣ୍ଣବୋଧରେ
ଖୋଜୁଛି ଖବରକାଗଜର ବିଭିନ୍ନସ୍ତମ୍ଭ
ଓ ପୃଷ୍ଠାର ଲେଖାରେ
ଖୋଜୁଛି ଏମାଟି ବାଲିର
ଅସଂଖ୍ୟ ସୁକ୍ଷ୍ମତା ମଧ୍ୟରେ
ଖୋଜୁଛି ଜଳରକଣିକା ଓ ସମୁ୍ଦ୍ରର
ଉତ୍ତାଳ ତରଙ୍ଗରେ
ଖୋଜୁଛି ବିଶାଳ ହୃଦୟଥିବା ଗଗନଓ
ପବନର ତରଙ୍ଗ ମଧ୍ୟରେ
କୁହ ତୁମେ ଅଛ କେଉଁଠି
ଓ କେଉଁ ରାଇଜରେ
ବୋଧେ ଅଛ
ପବିତ୍ର ଗ୍ରନ୍ଥର ପୃଷ୍ଠାରେ ଅବା
ଉଚ୍ଚାରିତ ଶ୍ଳୋକର ମୁରଚ୍ଛନାରେ
ଏ ସମାଜ ଓ ଜାତିର ସଂସ୍କାର ମଧ୍ୟରେ
ସ୍ପନ୍ଦିତ ହେଉଥିବା ପ୍ରତି ହୃଦୟର
ପ୍ରତିଟି ସ୍ପନ୍ଦନରେ
ମୋ ଅଶ୍ରୃର ପଲକରେ
ଏମିତି ଖୋଜି ଚାଲିିିଥିବି ଆଜୀବନ
ରାତ୍ରୀର ଶୁନଶାନ ପ୍ରହରର
ବ୍ରହ୍ମମୁହୁର୍ତ୍ତରେ
ଅଜାନ୍ ର ଡାକ ନମାଜ ଓ ଦୁଆର ଅମୃତବେଳାରେ ।