ଅମୃତ ସନ୍ତାନ
ଅମୃତ ସନ୍ତାନ
ସୂର୍ଯ୍ୟ ସମ ଉଜ୍ଜ୍ୱଳ କରି ,
ଅନ୍ଧକାରର ହୃଦୟ ଚିରି,
ଆଗେଇ ଚାଲ ଅମୃତ ପୁତ୍ର
ବିଜୟଗୀତି ଗାୟନ କରି।
ମରଣକୁ ଯାଅନା ଡରି ,
ମୃତ୍ୟୁ ତୁମକୁ ପାରେନା ମାରି,
ନିର୍ଭୟେ ଜ୍ଞାନ- ଆଲୋକ ଧରି
ବିନାଶ ଅଜ୍ଞାନତା-ତିମିରି।
ତୁମ ଭିତରେ ଜ୍ଞାନ-ଆଲୋକ ,
ସ୍ଵାଧୀନତାର ଦିବ୍ୟ ପୁଲକ,
ଜାଗ୍ରତ ହୁଅ ମୁକ୍ତି-ସୈନିକ ,
ହସିବ ନିଶ୍ଚେ ସାରା ମୂଲକ।
ଅନ୍ଧବିଶ୍ୱାସ,ଅଜ୍ଞାନତା,
ଅପସଂସ୍କୃତି, ଧର୍ମାନ୍ଧତା,
ନାଶ ଏସବୁ ଆତ୍ମଜ୍ଞାନେ
ଦୂର ହୋଇବ ପରାଧୀନତା।
ମାନବତାର ଦୁର୍ଗ ତୋଳ ,
ହିଂସା,ଦ୍ୱେଷର କବର ଖୋଳ ,
ହେ ବିଜୟପଥର ଯାତ୍ରୀ!
ଯାତ୍ରା ତୁମ ହେବ ସଫଳ।