ଅମର ପ୍ରେମ
ଅମର ପ୍ରେମ
ଦିହ ଭାବ ପାଶେ ନଥାଏ ପ୍ରେମ ଯେ
ସତ୍ୟ ପ୍ରେମ ସୁନ୍ଦର
ସତ୍ୟ ପ୍ରେମ ସଦା ଶାଶ୍ୱତ ଅମର
ଯାଉ ପଛେ ଯେତେ ଦୂର l
ଦିହ ପ୍ରେମ ସେତ ଦୁଇ ଦିନ ପାଇଁ
ଅମର ହୃଦୟ ପ୍ରେମ
ରାଧା କୃଷ୍ଣ ପ୍ରେମ ଆଜିବି ଅମର
ରହିଛି ତାଙ୍କରି ନାମ l
ବିଦେହ ପ୍ରେମର ମୃତ୍ୟୁ ନାହିଁ କେବେ
ଅମର ସର୍ବଦା ସେହି
ଦୂରେ ଥାଉ ପାଶେ ଅବା ଦୂର ଦେଶେ
ଜୀବିତ ରୁହେତ ସେହି l
ପାରେନା ହୃଦୟୁ କେହି କାଢି ତାକୁ
ନ ନିଏ କେହି ଛଡ଼େଇ
ହୃଦୟ ମନ୍ଦିରେ ରହି ଥାଏ ସଦା
ସାକ୍ଷାତ ଦେବୀଟେ ହୋଇ l