ଅକୁହା କଥା
ଅକୁହା କଥା
ମନ ପାରାବାରୁ ସ୍ମୃତିର ଲହରୀ
ଭାଷିଆସେ ଚଳଚ୍ଚିତ୍ର ।
ସେ ଢେଉ ମଧ୍ଯରୁ ଝଲସି ଦିସୁଛି
ସ୍ମୃତି ଜଡିତ ଅତିତ ।
ଦୁଃଖର ଲହରୀ ଆସେ ଅସୁମାରି
ମନ ବେଳାଭୂମି ପରେ ।
କାହାକୁ କହିବି ଅନ୍ତର ବେଦନା
ଅମାନିଆ ଅଶ୍ରୁ ଝରେ ।
କହିବି କାହାକୁ ଶୁଣିବ ବା,କିଏ
ହୃଦୟର ବ୍ଯାକୁଳତା ।
ମୁଖେ ହସ୍ତ ଦେଇ ହସିବେ ସମସ୍ତେ
ଲାଜେ ନଇଁଯିବ ମଥା ।
ମୋ ମନର କଥା ମୋ ଅନ୍ତର ବ୍ଯଥା
ଝରି ପଡୁଅଛି ଆଜି ।
କବିତାର ଛନ୍ଦେ ମନର ଅଳିନ୍ଦେ
ଭାଷିଆସେ ଗୀତ ସାଜି ।
କେତେ ଯତନରେ ମନ ବଗିଚ଼ାରେ
ଫୁଟିଥିଲା ସ୍ମୃତି ଫୁଲ ।
ଫୁଲ ଜଦି କଲା ଗଛକୁ ଦଂଶନ
କିଏ ଦେବ ତାର ମୂଲ ।
ମନର ବେଦନା ମନରେ ମରିଛି
ଲୁହ ଝରେ ଅବିରତ ।
ସୁଖିଲା କ୍ଷତକୁ ଖଣ୍ଡିଆ କରିଲେ
ଝରି ପଡିବ ରକତ ।
ସମୟ ସ୍ରୋତରେ ଭାଷି ତ,ଗଲାଣି
ବେଦନା ସିକ୍ତ ଅତୀତ ।
ପଛ କଥା ଆଉ ଭାବିଲେ କି, ହେବ
ବହୁଛି ଉଜାଣି ସ୍ରୋତ ।