ପ୍ରେମ ବଟକରା

ମୁଁ ମାଗିଥିଲି 

ପାପୁଲିଏ ସ୍ନେହ ଆବେଶ

ଆଞ୍ଜୁଳାଏ ହସ ଫୁଲରେ ଫୁଲେଇ

ଆଳୁଳାୟିତ କୁନ୍ତଳାରେ ଗୁଡେଇ

ମୁରୁକିତ ମହକିତ ସହବାସ ।

ମାତ୍ର ବଦଳରେ ମିଳିଲା 

କୁହୁଳା ଦୀର୍ଘଶ୍ଵାସର ତତଲା ପ୍ରତାରଣା

ଅଧାଜଳା ସ୍ମୃତି ବିଜଡିତ ବିନିଦ୍ର ଗଞ୍ଜଣା 

ଦରପୋଡା ସିଗାରେଟ୍ କେଇଖଣ୍ଡ ଟଣା ।

ମୁଁ ଯାଚିଥିଲି

ନିସର୍ତ୍ତ ଭଲ ପାଇବାର ସନ୍ତକ ନାକଫୁଲ

ଶୁଆ ଥଣ୍ଟିଆ ନାକ ଶୃଙ୍ଗରେ ସୁବର୍ଣ୍ଣ ଝଲମଲ

ଗଣ୍ଡ ଗହ୍ଵର ସମୀପେ ପ୍ରତିବିମ୍ବ ଗୁଣାଗେଲ

ମାତ୍ର ପ୍ରତିଦାନେ ମିଳିଲା

ପାଣିଗ୍ରହଣ ଦୂର ବିଦେଶେ ଦୁବାଇ ଦେଶେ

ଅର୍ଥ ପିପାସୁ ଅପରିଚିତର ଅଙ୍କ ପ୍ରଦେଶେ

ଫୋନ ଲକ୍ ଫେସବୁକ୍ ଡିଲିଟ୍ ରାଗଦ୍ଵେଶେ

ଦୁଃଖ ହେଲା ଏହି ଯେ

ସ୍ବପ୍ନ ବି ଅଧୁରା

ନିଦ ବି ହେଉନି ପୁରା

ଅଧା ଅଧୁରା ରହିଗଲା

ପ୍ରଥମ ପ୍ରେମର ବଟକରା ।