ଅଜାଙ୍କ ଘୁଙ୍ଗୁଡ଼ି

ମଝି ଅଗଣାରେ ଶୋଇଛନ୍ତି ଅଜା

    ମାରୁଛନ୍ତି ଖାଲି ଘୁଙ୍ଗୁଡ଼ି

ଘୁଙ୍ଗୁଡ଼ି ନୁହେଁ ସତେ ଅବା ଜଙ୍ଗଲେ

    ବାଘ ଛାଡୁଚି ରଡି l

ଅଜାଙ୍କ ବଗୁଲିଆ ନାତି ଅଟେ ଚିଣ୍ଟୁ

   ନିଦ ଗଲା ହଜି

ଭାବିଲା ଅଜାଙ୍କ ସହିତ କରିବ ଥଟ୍ଟା

     ଖଟିଆ ତଳେ ଲୁଚି l

ଅଜାଙ୍କୁ ଘାରିଛି ନିଦ ପାରଲେନି ଜାଣି

   ଚିଣ୍ଟୁ ଟାଣୁଛି କଛା

କେତେବେଳେ ଟାଣେ ଗୋଡ଼ ଆଉ ହାତ

    ନେଉଥାଏ ଭାରି ମଜା l

ଅଜା ଉଠନ୍ତି ଛାନିଆ ହୋଇ ପୁଣି

   ଯାଉଥାନ୍ତି ଘୁମାଇ

ସ୍ବପ୍ନ ଅବା ସତ ବୁଝିବାକୁ ଇଚ୍ଛା

    ଟିକେ କଲେ ନାହିଁ l

ହସି ହସି କାଟିଲାଣି ପେଟ ଚିଣ୍ଟୁର

   ଶେଷରେ ଉପାୟ କଲା

ସବୁ ବଳ ସିଏ ପ୍ରୟୋଗ କରିଣ

   ଖଟିଆକୁ ଦୋହଲାଇଲା l

ଚମକି ଉଠିଲେ ଅଜା, ଭୂତ ଭୂତ

    ବୋଲି ରଡି ଛାଡି

ଧାଇଁଗଲେ ସେ ଘର ଭିତରକୁ

    ଦେଖ ଉଠି ପଡ଼ି l