Library
Profile
ଅଧର୍ମ କୁହୁଡି
ଅଧର୍ମ କୁହୁଡି
ବରଷକେ ଶୀତ ସାଥିରେ
ଆସେ କୁହୁଡି ମାଡି
ଧୂଆଁର ଚାଦରେ ଦିଏସେ
ମାଟି ଆକାଶ ଘୋଡ଼ି
ଉଭେଇ ଯାଏ ସେ ଦିବସେ
ସୂର୍ଯ୍ୟ ହେଲେ ପ୍ରଖର
ଆଲୋକିତ ହୁଏ ଧରଣୀ
ରହେନାହିଁ ଅନ୍ଧାର
ସେ କୁହୁଡି ଠାରୁ ପ୍ରଖର
ପୁଣି ମାୟା କୁହୁଡି
ଛାଡିଯାଏ ନାହିଁ ମଣିଷ
ମନ ବସଇ ମାଡି
ସେ କୁହୁଡି ପାଇଁ ସମାଜେ
ଘଟେ ଯେ ଅଘଟଣ
ବର୍ଣ୍ଣନା କରିବା ସେ କଥା
ନୁହେଁ ସହଜ ପଣ
ଅନ୍ୟାୟେ କେ କରେ ଠୁଳ ଯେ
ପୁଣି ଧନ ସମ୍ପତ୍ତି
ଭୁଲିଯାଇ ନୀତି ନିୟମ
ନିତି କରେ ଦୁର୍ନୀତି
କିଏ ପାଲଟଇ ରାବଣ
କିଏ ମହିଷାସୁର
କିଏ କରେ ନାରୀ ହରଣ
ପୁଣି କେ ଅତ୍ୟାଚାର
ମଣିଷ କିଣିବା ବିକିବା
ସାଥେ ନିଶା ବେପାର
ନାରୀ ଶିଶୁ ହତ୍ୟା କରଇ
କେହି ହୋଇ ନିଷ୍ଠୁର
ଧର୍ମ ଅଧର୍ମକୁ ନ ମାନି
ନାନା ହୀନ କର୍ମରେ
ଲିପ୍ତ ରହେ କେହି ସମାଜେ
ଲୋଭ ମୋହ ବଶରେ
ଶୀତର କୁହୁଡି ଠାରୁ ଯେ
ଏ କୁହୁଡି ପ୍ରଖର
ଉଜୁଡାଇ ଦିଏ ସେ ପୁଣି
କେତେ ସୁନା ସଂସାର
ମଣିଷ ଭିତରେ ବିବେକ
ଯେବେ ଉଠିବ ଚେଇଁ
ସେ ମାୟା କୁହୁଡି ସମାଜୁ
ନିଶ୍ଚେ ଯିବ ଦୂରେଇ.
