ଅଭିମାନ

ପ୍ରୀତି ରଖି ଥିବା     ଜୀବନ ଯାତ୍ରାରେ

     ରଖିବା ମାଟି ସମ୍ମାନ

ଦେଶ ମାଟି ପରା      ଅମୂଲ୍ୟ ରତନ

     ସେହୁ ଆମ ଅଭିମାନ !

ମାତାର ଗର୍ଭରୁ     ଭୁଇଁରେ ଆସିଲେ

     ଅନୁପମ ଯେ ସଂଯୋଗ

ଗୁରୁଣ୍ଡି ଗୁରୁଣ୍ଡି      କଲେ ପରିକ୍ରମା 

     ଥିଲା ତା ଶିଶୁ ଉମଙ୍ଗ !

କେତେଖେଳ ପୁଣି କୋଳେ ତା ଖେଳିଛେ 

      ଚକାଚକା ଯେ ଭଉଁରୀ

ତା ପରି କିଏ ସେ ହୋଇବ ଆମରି 

     ପ୍ରେମ ଶ୍ରଦ୍ଧା ଦେବା ଭରି !

ଚନ୍ଦନ ଆମର      ଏ ଦେଶର ମାଟି

      ମୁଣ୍ଡେ ଲଗାଇବା ନିତି

ସୁରକ୍ଷା କରିବା       ଜାଗ୍ରତ ରହିଣ

      ଦୂର କରିବା ଅନୀତି !

କୃଷ୍ଣ ରାମ ଭୁଇଁ      ପବିତ୍ର ଭାରତ

      ତାହାରି ସନ୍ତାନ ଆମେ

ମା ମାଟି ମମତା   ଜୀବନେ କର୍ତ୍ତବ୍ୟ 

     ଜିଇଁବା ମରିବା ପ୍ରେମେ !

ଜନ୍ମ ଦେଇ ଥାଏ     ଜନନୀ ଆମକୁ

     ଦଶ ମାସ ଗର୍ଭେ ଧରି

କେତେ କଷ୍ଟ ସହ୍ୟ  ଲାଳନ ପାଳନେ

     କିଏ ହେବ ତା'ର ପରି !

ଜନ୍ମଭୂମି ମାଟି    ପୂର୍ଣ୍ଣ କରେ ଇଚ୍ଛା

    ସଂସ୍କୃତି ସଂସ୍କାର ବୋଳି

ଅହଂକାର ମନ୍ତ୍ର ‌  ପ୍ରେମ ପ୍ରୀତି ଶ୍ରଦ୍ଧା

     ଦିଏ ତ୍ୟାଗ କୀର୍ତ୍ତି ଗୋଳି !

ନୂଆ ଏ ଭାରତ  ‌‌  ଅମୃତ ଏ କାଳ

     ଶତ୍ରୁ ଯେ ତାଣ୍ଡବ କରେ

ଜନତା ଉନ୍ନତି     ଆତ୍ମନିର୍ଭର ଟି  

     ସହିବ କି ଶତ୍ରୁ ତା'ରେ !

ସତ୍ତାଲୋଭେନେତା ଆତଂକବାଦୀର

      କରୁଛନ୍ତି ସମର୍ଥନ 

ଚିହ୍ନିତ କରିବା    ଏପରି ନେତାଙ୍କୁ 

    ଯାର ନିଜ ସ୍ବାର୍ଥେ ମନ !

ତତ୍ପର ରହିବା  ଜାଗ୍ରତ ରେ ଥିବା 

    କରିବରେ ତିରସ୍କାର

ଦେଶ ମାଟି ପାଇଁ   ନାହିଁ ସ୍ନେହ ଶ୍ରଦ୍ଧା

      ଅଟନ୍ତି ଶତ୍ରୁ ଆମର !

ନିଦ୍ରା ତେଜି ଉଠ   ସନାତନ ଭାଇ

      ଉଚିତ ଏହୁ ସମୟ

ନିଦ୍ରା ନ ଭାଙ୍ଗିଲେ   ଅନର୍ଥ ହୋଇବ

     କରହେ ଦୃଢ଼ ନିଶ୍ଚୟ !