ଆସିଗଲା କଟକୀ ଦହିବରା
ଆସିଗଲା କଟକୀ ଦହିବରା
ଆସିଗଲା ଆସିଗଲା ଆସିଗଲା ଭାଇ l
କଟକର ପ୍ରସିଦ୍ଧ ଏ ବରା ସଙ୍ଗେ ଦହି ll
ତା ସଙ୍ଗରେ ଆଳୁକଷା ପୁଣି ଆଳୁଦମ୍ l
ଚାଖି ନିଅ ଆସ ଭାଇ ଏହି ଆଇଟମ ll
ଏ ବରାକୁ ଦିନେ ପରା ମଧୁବାବୁ ଖାଇ l
କାଳିଆ ଘୋଟକ ଚଢ଼ି ବିଷମ ଲଢ଼ାଇ ll
ପୁଣି ଖାଇ ଥିଲେ ୟାକୁ ଅକ୍ଷୟ ମହାନ୍ତି l
ଖୋକାଭାଇଗୀତ ସବୁ ଆଜି ଝୁରୁଛନ୍ତି ll
ଏ ବରାକୁ ଜାଣ ଆମ ବିଜୁ ବାବୁ ଖାଇ l
ପେଶୱାରଗଲେ ପୁଣି ସାଇକ୍ଲରେ ଧାଇଁ ll
ଏକୁଟିଆ ଚାଳି ପୁଣି ଏକ ବ୍ୟୋମଯାନ l
ଉଦ୍ଧାରି ଆଣିଲେ ଯାଇ ବିପନ୍ନ ସୁକର୍ଣ୍ଣ ll
ଏ ବରାକୁ ଥରେ ଭାଇ ଯିଏ ଖାଇଥିବ l
ପାଟିରୁ ନ ଯିବ ବନ୍ଧୁ ବାନ୍ଧବେ କହିବ ll
କଟକୀ ଦହି ବରାର କେ ଗୁଣିବ ଗୁଣ l
ବଖାଣିବସିଲେ ପୋଥି ପୁରିଯିବ ଜାଣ ll
ଧବଳ ଟଗର, ଆମ କଟକ ନଗର l
ଦହିବରାବାଲା ମୁହିଁ କୋଟି ନମସ୍କାର ll