ଆସ ସଭେଁ ହେମା ଏକ୍

ଆସିଛେ ଆଏଜ୍ ଅଗଷ୍ଟ ପନ୍ଦର

ମୁହେଁ ଫୁଟେ ସବ୍‌କର୍ ହଁସି 

କେତେ ବୀର୍ ଯୋଦ୍ଧା ଜୀବନ୍ ଦେଇ

ହେଇଛନ୍ ସରଗ୍ ବାସୀ ।।

ଇଂରେଜ ଗୁଳିରେ ଜୀବନ୍ ଦେଇ

ଦେଶ୍‌କେ କରିଛନ୍ ମୁକ୍‌ତି

ସେଥିର୍ ଲାଗି ଆଏଜ୍ ଅଗଷ୍ଟ ପନ୍ଦର

ଦେଶ ବାସୀ କରୁ ଭକ୍‌ତି ।।

ତିନ୍ ରଂଗର୍ ପତକା ଉଡେଇ ଆମେ

ଆସ ସଭେ ହେମା ଏକ୍

ଇ ପତକାର୍ ଜାତିର୍ ଗରବ୍

ରଖ୍‌ମା ସଭେଁ ଆମେ ଟେକ୍ ।।

ଶାନ୍ତୀ ମୈତ୍ରୀ ଆର୍ ଅହିଂସାର୍ ପର୍‌ତିକ୍

ପତାକା ଉଡେ ଫର୍ ଫର୍

ଅଗଷ୍ଟ ପନ୍ଦରରେ ସ୍ୱାଧୀନ୍ ହେଲୁ

କାହାକେ ନାଇଁ ଡର୍ ।।

ଆମର୍ ରାଇଜେ ଆମେ ରାଜା ହେବା

ଲେଖ୍‌ମା କେତେ ଇତିହାସ୍

ମାଏଟ୍ ମାଁ ର୍ ଲାଗି ଜୀବନ୍ ଦେଇ

ମୁହେଁ ଫୁଟାମା ହଁସି ବାସ୍ ।।