Library
Profile
वंदन तुजला देवी सरस्वती
वंदन तुजला देवी सरस्वती
1 min
461
ll श्री ॥
वंदन तुजला देवी सरस्वती।
लाभु दे सकलांना शुभमती ॥
दिव्य कांती, तेजप्रभा लोचनी
हास्य मधुर हे तव शुभ वदनी ,
शुभ्र वस्त्र परिधान करूनी
गळा माळ अन् करी कुमुदिनी ,
हाती पुस्तक , वीणा धरूनी
विराजीत होसी तू मयूरासनी ,
विद्यारंभी नमितो तुजला , हे देवी भगवती|
लाभु दे सकलांना शुभमती ॥१ ॥
जगन्माता तू , तूच वाग्देवता , तू चैतन्यमूर्ती
तव गुण गाया तुझ्या लेकरां दे आता स्फूर्ति ।
अज्ञानाचा तम हरोनी, लाभु दे ज्ञानाची संगती ,
आशिष शुभंकर तुझा राहु दे सदा आम्हावरती ।
प्रेमभाव या मनी रुजावा ,दूजाभाव ना कधी वसावा,
हीच प्रार्थना तुझ्या चरणी, हे देवी भगवती ।
लाभु दे सकलांना शुभमती ॥२ ॥
वंदन तुजला देवी सरस्वती , हे देवी भगवती ।
लाभु दे सकलांना शुभमती ॥
