तुझ्यात जीव गुंतला...

असे कसे शब्दात मांडायचे

तुझ्याप्रतीचे प्रेम, सावळ्या,

वाहण्या तुज घेऊन आले

मोगऱ्याच्या सुगंधी पाकळ्या...

तुझ्या प्रीतीच्या अंगणी

कितीदा तुझीच वाट बघावी,

सांग ना रे मोहना,

की मीरेसम मीही वेडी व्हावी...? 

फक्त तुझे ओझरते नेत्र तरी

माझ्यावर येऊ दे,

मलादेखील गोपिकांसम

तुझे गीत गाऊ दे...

कशी सोडायची रे,

माझ्या वेड्या मनाची शृंखला

किती सांगायचे रे, 

तुझ्यात जीव रंगला...