तुझ्या प्रितीत माझे जीव गुंतले

तुझ्या डोळ्यांत मी शोधते मला

माझ्या स्वप्नांत मी पाहाते तुला -२

सांग असे का मज हे वेड लागले

तुझ्या प्रितीत माझे जीव गुंतले

छंद तुझे बंध तुझे गंध लाजरा

श्वास तुझे भास तुझे स्पर्श बावरा -२

मिठीत तुझ्या असे भाव जागले

तुझ्या प्रितीत माझे जीव गुंतले

मन पाखरू होऊन नभी उडाले

वाटते त्यास प्रितीचे पंख मिळाले -२

असे आगळे चित्र मी नवे पाहिले

तुझ्या प्रितीत माझे जीव गुंतले