तुझं माझ्याबरोबर असणं

तुझं माझ्याबरोबर असणं सूर्यासारखं आहे,

कधी सकाळच्या कोवळ्या किरणांसारखं;

जीवनावश्यक सत्व देणारं, 

कधी कडाक्याच्या थंडीतल्या उन्हासारखं;

मायेची ऊब देणारं, 

कधी रखरखत्या दुपारच्या चटक्यांसारखं;

पितृप्रेमाने शिस्तीचे धडे देणारं, 

आणि कधी काळोख्या रात्री चंद्राच्या प्रकाशासारखं;

जिवलग मित्राप्रमाणे, काळोख असो वा उजेड,

दुःख असो वा आनंद, दृश्य असो वा अदृश्य,

नातं जे सदा साथ देणारं...