लाइब्रेरी
प्रोफाइल
संमिश्र
संमिश्र
1 min
558
ढळणाऱ्या सांजवेळी
मला निमित्त ठरवून
भरून आलेले नभ
साक्षीला उधळणारे तेजतरंग
नेहमीच्या विसाव्याची जागा
समूळ नसल्याचा ठावठिकाणा
घारीचे कर्कश आवाज विसरून
संथपणे पहडून न्याहाळणे
दुसऱ्या बाजूला आकाश निरभ्र
कोणत्याही भावनेला समावणारे
त्याच्याच रंगात विरणारे धागे
अजूनही शोधण्याच्या मी प्रयत्नात
आकाशाने एकच सुर लावावा
नजरेची तारंबळ सोडवावी आता
मग रिमझिम सुरू व्हावी
भुईला कानगोष्ट सांगता यावी
इतक्या संमिश्र भावनांच्या आकाशातून
विजांच्या कडकडांसकट बरसणारा पाऊस
तृणपात्यावर निर्माण झालेले दव
नेमक्या कोणत्या भावनेचे प्रकटीकरण असावे?
