समुद्राच्या लाटा

समुद्राच्या लाटा आसुसल्या होत्या किनाऱ्याशी भेटायला

त्याला आपला प्रेम आवर्जून सांगायला

कधी भेटेल आपल्याला किनारा

ही हुरहूर प्रत्येकीच्या मनात होती

कधी कळेल त्याला आपला प्रेम

ही चिंता प्रत्येकीच्या मनाला खात होती

कधी होऊ आपण एक

ही घालमेल प्रत्येकीच्या मनात होती

कधी सम्पतील हे दुरावे

ही काळजी प्रत्येकीच्या मनाला खात होती

कधी दूर होतील हे विरहाचे दुख

ही तगमग प्रत्येकीच्या मनात होती

कधी जुळेल आपली जन्मांतरीची गाठ

ही आस प्रत्येकीच्या मनाला खात होती

आज लाटा किना-याला भेटल्या

त्यांचे दुरावे संपले प्रेम वाढले

जुळले बंध प्रीतीचे खिळले नाते जन्मांतरीचे