शंभू-गाथा

 सईबाई माता || पिता वीर शिवा

जन्मा आला छावा || पुरंदरी ||१||

माता छत्र जाता || दूध ते धाराऊ ||

वात्सल्य जिजाऊ || बालराजा ||२||

वेदाभ्यास ग्रंथ || पठण लेखन ||

सर्व भाषा ज्ञान || शंभू बाळा ||३||

वाढले स्वराज्य || दुप्पट वेगाने ||

गनिमी काव्याने || कारवाया ॥४॥

पराक्रमी राजा || वाढवी स्वधर्म ||

जगी असे कर्म || किर्तिवंत ॥५॥

शूर मर्द छावा || शौर्याच्या वारूला ||

एकला पाडीला || फितूरांनी ॥६॥

संगमेश्वराला || सोबत पंडित

धरीले कोंडीत || यवनांनी ॥७॥

वीर माझा राजा || संभाजींची गाथा ||

त्यांच्या पायी माथा || मनोभावे ॥८॥