निरागस
निरागस
शब्दांशी खेळता खेळता
शब्दांनी उलगडले मज
चेहऱ्यावर ह्या
प्रकटले तेज
भाव अनोखे,
ओळखीचे झाले
ना पुसता कधी;
माझे झाले
रागीट मी
स्वाभिमानी मी
प्रेमळ मी
कडक मी
ओळख माझी,
ह्या भावांपायी
दबले मनात ह्या
तत्वापायी
शब्द शब्द जुळवत;
तया मी मांडिले
समजत - उमजत;
मला घडविले
बीज कधी हे
कोणी रोवले
अंकुर तयासी;
आता फुटले
ना जाहले परिपक्व
हे व्यक्तिमत्त्व अजुनी
निरागसता दिसते कधी
आरश्यात पाहुनी
ओळखले लोकांस
अनोळखी "मी" स्वतःस
भासले जे त्यास
भासले काही स्वतःस
वेळ खर्चिला;
ओळख माझी कराया
रक्त आटवले;
जगात मिरवाया
विसरून गेलोच कसे
अंश देवाचा
भावशून्य होऊन
घेणार निरोप जगताचा
सर्व भाव विरून
होणार मातीमोल
कधी कळेल मज;
निरागसतेचे मोल???