मी तान्हा...
मी तान्हा...
1 min
218
कसे सांगू तुला होते...
किती माझी घुसमट...
माझे अंतर्मनही...
वेदनेने झाले पाहा दमट... १
आर्त पुकारते तुला...
पण... तू देत नाही प्रतिसाद...
किती घातली मी रे...
क्षणोक्षणी तुलाच नित्य साद... २
घुसमट होते मज...
असह्य आता रे कान्हा...
तुझ्यात होते रे लीन...
पाजी भक्ती रस मी तान्हा... ३
होईल शांत घुसमट माझी...
चरण दिसतील तुझे जेव्हा...
माझे मीपण गळून पडेल...
सार्थक होईल माझे जीवन तेव्हा... ४
अंती द्यावे दर्शन पामरास...
आत्मा वाहे भक्तीच्या पखाली...
तुझ्याशिवाय "कृष्णप्रिये"स...
आहे रे कोण कृष्णा वाली... ५