मैफिल साफ-सफाईची
मैफिल साफ-सफाईची
आली बाप्पा दिवाळी ही साफ-सफाईची मैफिल घेऊन |
गृहिणी च्या कपाळावर कशा टेंशनच्या सुरकुत्या घेऊन ||
बघा कसे बायकांनी सर्व घर काढले आवरायला |
गाद्या-गोधड्या निघाल्या गच्ची वर सनबाथ घ्यायला ||
भांडी पण अंगणात सूर्य किरणांनी आज कशी सजली |
धुळीची चादर सोडुन आज घरं कशी चकाचक चमकली||
बघा आता कशे शाहीस्नान होते गाड्या-घोड्यांना |
पुरुष सर्व निघाले आपले दुकान दफ्तर आवरायला ||
या सर्वांत एक गोष्ट कशी नेमकी ही सर्व विसरले |
आतल्या आपल्या मनाला सर्व चमकवायला भुलले ||
झटका कधी तरी त्यावरचा दुर्गुणांचा मळ पण |
चला साजरी करू चला दिवाळी छान घेऊन निर्मळ मन ||