माझी मराठी माऊली

माझी मायबोली आहे

गच्च अमृताचा घनू

उच्चारता शब्द शब्द

वर्षे हर्षानंद जणू

माय मराठीची ख्याती

साता समिंदरा पार

गोडी मधुर अवीट

नाही त्याला पारावार

माय मराठीची वाणी

अमृताते पैजा जिंकी

नाही फक्त राजभाषा

जनसामान्यांची सखी

तिचा मान राखावया

राजा शिवाजी उदेला

संगे मावळ्यांच्या त्याने

दृढ संकल्पच केला

गुणगान तिचे करी

ज्ञाना, तुकोबा माऊली

शांताबाई, पु.ल, व. पु

ढेर सारी नामावली

तिची शैलीच अमोघ

हरवून जाई मन

जपायला तिचा बाणा

राबू सारे रातदिन