कोरोनाख्यान
कोरोनाख्यान
मन जरा घाबरलंय
कोरोनाच्या रौद्र रुपाला
टाळणार कसं आता
या भयानक कोपला ||
चोरपावलांनी तो आला
दिलं सारं अंधारून
कहर कळता त्याचा
टाकलं सर्वांना हादरवून ||
वाट पहाताय सारेजण
ओसरेल त्याचा जोर
मृत्यूच्या तांडवाने मात्र
जीवाला लागला घोर ||
कोरोनाची विदारक चित्रं
जशी डोळ्यासमोरुन सरकली
मानवाच्या असाह्यतेच्या जाणिवेने
छाती माझी हबकली ||
दिवस असो रात्र
नाही डोळ्याला डोळा
कोरोनाच्या भयानक थैमानाने
पोटात येतो गोळा ||
सुन्न झालं सारं
वाटतं वैऱ्याची रात्र
मन बिचारं समजावतंय
टिकव यात धीर मात्र ||