Library
Profile
कहर केला पावसाने
कहर केला पावसाने
1 min
298
कशी करू नको चिंता
दिला पावसाने धोका ।
आशा होत्या किती तरी
रंग पडला कसा फिका ।
नशिबाचाच खेळ सारा
पदोपदी का मिळे धोका ।
कहर केला ना पावसाने
पोटावरच दिला ठोका ।
पाण्यात गेली मेहनत
प्रसंग जीवनाचा बाका ।
मुलाबाळांची स्वप्न सारी
काहीच विचारू हो नका ।
निसर्गच कोपला आता
पडला जीवनावर डाका ।
वर्षानुवर्षे तर हेच होते
आहे हीच जीवनाची रेखा ।
