जगणं कसं बळ्याचं बघा
जगणं कसं बळ्याचं बघा
जगणं कसं बळयाचं बघा
होता पुरताच कर्जबाजारी
आशेनच आणलं बेणं
तेही व्याज -उसनवारी . १
मिरोगात आस तुझी
येशील थोडातरी
बसला दडून पाऊस
कसा चोरट्यापरि . २
भुरभुर जरी पावसाची
गातोय राजा गाणी
अंकुरलेल्या शेतामंधी
डोळ्यात आणून पाणी . ३
सपानं आशेच दिन-रात
दिसे हिरवेगार शेत
हात जोडून आणितो
कसाबसा तो खत . ४
डोलावत्या पिकांमधी
फिरतोया वणवण
नाही भासणार म्हणे आता
मला कसली चणचण . ५
कोणा ठावं आले काय
नियतीच्या मनांत
धो-धो वाहिला पाऊस
भरलेल्या रानांत ६
कुजली पार भिजून
सोयाबीन कपाशी
उपटून पडला भुईमूग
घोरत दाटला उराशी. ७
फिरलं पाणी मेहनतीवर
खचला सारा जोर
पोरा बाळाला सावरून
जाऊ कसा सामोर . ८
कसं फेडू मी ऋण सांगा
कोण देईल आधार
योजना सार्या कागदावरी
कोण होईल उदार ? ९
जगणं कसं बळ्याचं बघा
पोशिंदा तो जगाचा
निराशेनं घेतो कधी
घोट का बरं विषाचा ? १०