हां… मी एक वेश्या

           का लाजावे मी माझ्या मनाला ?

           का असावा संकोच माझ्या जीवाला ?

           विकले नसते मी माझ्या देहाला,

           काय घडले असते ठाऊक तुम्हाला….!

का शरम नाही तुमच्या जीवाला ? 

का नाही संकोच तुमच्या मनाला ?

सोडून घरच्या पवित्र लक्ष्मीला 

का खेटे घालता माझ्या दाराला….!

           मीच मोहिनी, मीच कामिनी,

           मीच जगाची संकटमोचीनी .

           विकलांग मी,असाह्य-निराधार मी ,

           निरर्थक मी. अस्तित्वहीन,निंदनीय मी.

            स्वप्नाचा ज्वलंत भास मी.

           जगण्याचा फक्त आभास मी….!

 का सहन होत नाही एक निर्भया ?

 वाचविते मी सहस्र भगिनी-अर्धांगिनी-आया.

 कल्पना करवेना जगाची मजविना,

 का करावी मग माझीच अवहेलना….!