🍂अमृततुल्य 🍂

बाप म्हणजे घराचा पाया

लपवुनि सदैव अश्रूंची काया

हिशोबाच जपुनी केल मोजमाप

घरासाठी राबतो माह्या बाप...

दुःखाची ठेवतो काळजात पेटी

रातदिस कष्ट करतो सर्वांसाठी

शेतकरी बाप पेरतो बी-बियाणं

नेहमी हसत राहतो दिलखुल्लास मनानं...

लेकीच्या कन्यादानासाठी जोडला कण कण 

हाच तर बापाच्या आयुष्यातील

आनंदाचा क्षण 

कितीही संकटे येऊ द्यात मन मात्र खुल्ल 

बापाची कहाणी एक मोठं 

अमृततुल्य...

उन्हात स्वतः जळून देतो सर्वा सावली

तुम्ही आहात म्हणून अस्तित्व

पावलोपावली

शहाजी आणि शिवाजी राजे जणू

होते सखा

जशी होती जोडी संतोबा आणि तुका...

कुठल्याच गोष्टीची व्यक्त करत

नाही खंत

बापच तर आहे मनाचा श्रीमंत

कितीही असले दुःख चेहऱ्यावर असत हसू 

तुमच्यासाठी बाबा एकेक शब्द टिपत बसू...