आला भरून पाऊस
आला भरून पाऊस
![](https://cdn.storymirror.com/static/1pximage.jpeg)
1 min
![](https://cdn.storymirror.com/static/1pximage.jpeg)
154
आला भरून पाऊस
मंद वारा गातो भूप
काळ्याभोर मेघामध्ये
श्यामसुंदराचे रूप
शामल मेघामागून
रवीकिरण फाकले
केशवाच्या माथ्यावर
मोरपिस ते सजले
रव पावसाचा वाटे
जसे बासरीचे सूर
संगीतात भिजण्यास
कान झाले गं आतूर
मधूनच रमणीय
नृत्य करीते चपला
घननीळा करीतसे
गोपींसवे रासलीला
साथ त्यांसी द्यावया
ढग वाजवी मृदुंग
सृष्टी बनली गोपिका
भक्तीरसात रे दंग
तुज मागणे ईश्वरा
असू देत हाची वर
त्याचे करीतो स्वागत
पसरूनी दोन्ही कर