സ്വപ്നം

നിന്നിലേക്ക്‌ ആരംഭിക്കുന്ന 

എന്റെ നിദ്രായാനങ്ങൾ ,

അകവും പുറവും കടന്നു 

നമ്മിൽ എത്തിച്ചേരേണം.

നിന്നിൽ എത്തുവോളം,

തമ്മിൽ കാണുവോളം

നമ്മുടെ കണ്ണുകൾ

ആ സ്വപ്‌നങ്ങൾ ചിമ്മാതെ 

പൊതിഞ്ഞു കാക്കേണം.

പാതി അടഞ്ഞ കൺപോളകൾ

തുറന്നു ഞാൻ നോക്കുമ്പോഴും 

,നീ മെല്ലെയെന്നരികെ ഉണ്ടാവേണം.

ഇനിയും പിരിയുവാൻ വയ്യാ

നമ്മുടെ കൈകൾ തമ്മിൽ ,

വിട ചൊല്ലുവോളം

ചേർത്തു പിടിക്കേണം.

അവസാനം 

പ്രഭാതം വന്നു കവരുവോളം

നിന്റെ കൂടെയിരിക്കേണം.

നമുക്കു കൂട്ടിനിരിക്കേണം.

ഇനിയും ,

അർഥമറിയാ നിശാസ്വപ്നങ്ങളിൽ

നാം കണ്ടുമുട്ടുന്നതും, മായുന്നതും

നമ്മിലേക്ക്‌ തന്നെയല്ലോ സഖി.