ಪ್ರಕೃತಿ
ಪ್ರಕೃತಿ
ಸುತ್ತಲೂ ಹಸಿರು ಕಾನು
ನಡುವೆ ಬಿರಿದ ಬಾನು
ಮನ ತೇಲಿದೆ ಅಂಬರದ ಬಿಲ್ಲೇರಿ
ಸಗ್ಗ ಕಂಡೆನು ಇಲ್ಲೇ
ಬನ್ನಿ ನೇಹಿಗರೇ ಹಸುರುಡೆಯ
ವನರಾಜಿಯಾ ಮಡಿಲಿಗೆ
ಎದೆ ಝಲ್ಲೆನಿಸುವ ರುದ್ರ ರಮಣೀಯ ದೃಶ್ಯ
ಜಲಲ ಜಲಧಾರೆಯ ಭೋರ್ಗರೆತ
ರಾಜಾ ರಾಣಿ ಮೈದುಂಬಿರಲು
ಮನಮೋಹಕ ಬೆಳ್ಳಿ ಬೆಡಗು
ಸಗ್ಗವಿಳಿದಿದೆ ನಂದನವಾಗಿ
ಸಲಿಲಧಾರೆಗೆ ಈ ಧರೆಯಾದಳು ವಸುಂಧರೆ
ರೈತನ ಮೊಗದಿ ಹೊಸ ಸಡಗರ
ಹಸಿರು ಹೊನ್ನ ಬೆಳೆ ಜೀವನದಿ ಕಳೆ
ಇಳೆ ಬಾಳೆ ಹೊಂಬಾಳೆ
ಸಂಸ್ಕೃತಿ ಸುಗ್ಗಿಯ ಕುಣಿತದಿ ಕರಗಿದೆ
ಬನ್ನಿರಣ್ಣ ಬನ್ನಿ ಪರಂಪರೆಯ
ಆಲೆಮನೆಗೆ ಹಂಚೋಣ
ಸಿಹಿ ಮೊಗೆಮೊಗೆದು