ಮಳೆಗಾಲದ ಮಣ್ಣು ರಸ್ತೆ

ಧಾರಾಕಾರ ಸುರಿದಂತೆ ಮಳೆ 

ಹೀರಲಾಗದ ನೀರ 

ಹೊರಳಿಸಲೂ ಆಗದೇ

ಅಲ್ಲಲ್ಲೇ ಮಡುಗಟ್ಟಿ 

ಕೊಳೆ , ಕೆಸರು ತುಂಬಿಕೊಂಡು 

ಬಿದ್ದಿರುವ ಹೆದ್ದಾರಿಯಲಿ ಕಾಲಿಟ್ಟರೆ 

ಸರಕ್ಕನೆ ಹೂತುಹೋಗುವ 

ಇಲ್ಲವೇ ,

ಜರ್ರನೆ ಜಾರುವ 

ನಾಟಿ ಮಾಡಬಹುದಾದ 

ಜೇಡಿ ಮಣ್ಣು 

ಸೌಜನ್ಯದ ಎಲ್ಲೆ ಮೀರಿದ 

ಸಹ ವರ್ತಿಯ ಪ್ರಶ್ನೆಯಂತೆ&n

Advertisement

bsp;

ಸುರಿವ ಮಳೆ ನೀರ 

ಸ್ವಲ್ಪ ತಿರುಗಿಸಿ 

ಹಳ್ಳಕ್ಕೋ , ಕೊರಕಲಿಗೋ

ಸಾಗಿಸಿದರೆ ( ಹರಿಸಿದರೆ )

ನದಿ ಸೇರಿದ ನೀರು 

ಪವಿತ್ರ ಜಲವಾಗುತ್ತಿತ್ತೋ ಏನೋ ....?

ಆದರೆ ,

ಕಡು ಲೋಭಿಯಂತೆ 

ತನ್ನ ಒಡಲಲ್ಲೇ ಹುದುಗಿಸಿ 

ಬಯಲ ಬಟ್ಟೆಯಾದ್ದರಲ್ಲೇ 

ಸಾರ್ಥಕತೆ ಹೊಂದಿ 

ಬಿಡು ಬೀಸಾಗಿ ಬಿದ್ದಿದೆ 

ಈ ಮಣ್ಣು ರಸ್ತೆ !