Exclusive FREE session on RIG VEDA for you, Register now!
Exclusive FREE session on RIG VEDA for you, Register now!

Bellala Gopinath Rao

Inspirational Others


3  

Bellala Gopinath Rao

Inspirational Others


ಕನಸ ಕದಿಯುವರಿಹರು ಹುಶಾರ್

ಕನಸ ಕದಿಯುವರಿಹರು ಹುಶಾರ್

1 min 10 1 min 10


ಹದಿ ಹರೆಯ ಮನದಲ್ಲಿ

ವಿಷ ಬೀಜ ವಿದಳನ ನಡೆಸಿ

ಕನಸ ಮಾರುವರಿಹರು

ಎಚ್ಚರಿಕೆಯಿರಲೀಗ ಮನ

ಮನೆಯ ಬಳಿಯಿಹರು

ಕನಸ ಕದಿಯುವರಿವರು ಹುಶಾರ್


ನಮ್ಮೆಲ್ಲರ ನಡುವೆಯೇ ಜಗ್ಗನೆದ್ದು

ಉದ್ಭವಿಸೋ ಈ ಅಸುರರು

ಹದಿ ಮನಕೆ ಧಾಂಗುಡಿಯಿಟ್ಟು

ದ್ವೇಶ ದಳ್ಳುರಿ ಬಿತ್ತಿ ಬೆಳೆಸಿ

ಮಾರುವರು ದಳ್ಳಾಳಿಗಳಿಗೆ

ಮನುಕುಲ ಸಂಕುಲದ ವೈರಿಗಳಿಗೆ


ನೆಪಕೆ ಧರ್ಮದ ಹೆಸರ ಲೇಪಿಸಿ

ಹುಚ್ಚು ಆವೇಶದ ದಾಹಕ್ಕೆ ಬಲಿ

ಕೋಟಿ ಕೋಟಿ ಅಮಾಯಕ ಕನಸ ಲೂಟಿ

ಕೊಳ್ಳುಮಾರುವರಿರುವ ಈ ವಿಶ್ವ ಸಂತೆಯಲಿ

ಕನಸ ಕೊಳ್ಳುವವರಿಗೇನು ಬರ


ದೇಶ ಭಾಷೆ ಜಾತಿ ಭೇಧ,

ನ್ಯಾಯ ನೀತಿಗಳಿಲ್ಲದ ಇವರು

ಅದನೆ ಬಿತ್ತಿ ಬೆಳೆಸುವರು ನಮ್ಮ ನಮ್ಮಲ್ಲಿ

ಈ ಭಸ್ಮಾಸುರರು ಅವತರಿಸಿ

ಬೆಳೆಯೋ ಮುನ್ನ ಅವತರಿಸಬೇಕಿದೆ

ವಿಷ್ಣು- ಮೋಹಿನಿಯಾಗಿ


ವಿಶ್ವಕ್ಕೆ ಶಾಂತಿಯನು ಕಲಿಸಿಹೆವು ನಾವು

ಕಲಿಯಬೇಕಿದೆ ಸ್ವಾರ್ಥ ಅಳಿಸೊ ಪಾಠ

ಕೋಟಿ ಕಂಗಳ ಕನಸ ನೆನಸಾಗಿಸಲು

ಗೆಲ್ಲಬೇಕಿದೆ ಈ ಸಮರವನ್ನ

ನಮಗೆ ನಾವೇ ಎಚ್ಚರಿಸ ಬೇಕಿದೆ ಈಗ




Rate this content
Log in

More kannada poem from Bellala Gopinath Rao

Similar kannada poem from Inspirational