ಕಡಲ ತೀರದ ಭಾರ್ಗವ

ಕೋಟಿ ತಾರೆಗಳ ಮಧ್ಯದಲ್ಲಿ ಕಂಗೊಳಿಸಿದೆ ನೀನು
ನಿನ್ನ ಹುರುಪು, ಧೀಮಂತ ಶಕ್ತಿ ಮರೆತಿಲ್ಲ ನಾನು |

ನೀ ನಡೆದ ಈ ದಾರಿ ಕವಲೊಡೆದು ನಿಂತಿದೆ
ಯಾವ ದಾರಿ ಸರಿ ಎಂದು ಯೋಚಿಸುತ್ತಿರುವೆ ನಾನು |

ಜೀವನ ಎಂದರೆ ಏನೆಂಬುದನ್ನು ಈ ಜಗತ್ತಿಗೆ ತಿಳಿಸಿದೆ ನೀನು
ಅದನ್ನು ಅರ್ಥ ಮಾಡಿಕೊಂಡು ಹೋಗದಿರುವ ಮೂರ್ಖ ನಾನು |

ಆಕಾಶದಲ್ಲಿ ತೇಲುತ್ತಿದ್ದ ಆ ಕವಿತ್ವದ ಪ್ರತಿಭೆ
ಇಂದಿಗೂ ಚಿರಾಮರವಾಗಿ ಉಳಿದಿದೆ ಇಲ್ಲಿ |

ಮತ್ತೆ ಮತ್ತೆ ಹುಟ್ಟಿ ಬರಲಿ ನಿನ್ನಯ ಶೋಭೆ
ಎಂದಿಗೂ ಆರದಿರಲಿ ನಿನ್ನಯ ಜ್ಯೋತಿ |

ನೀನು ಜ್ಞಾನಿ ನೀನು ಯೋಗಿ
ನಿನಗೆ ಸದಾ ವಂದಿಸುವೆ ತಲೆ ಬಾಗಿ |

ನೀ ನುಡಿದ ಸುವಿಚಾರಗಳಿಗೆ ತಲೆದೂಗಿ
ನಿನ್ನ ಮುಂದೆ ನಿಂತೆ ನಾ ಅಜ್ಞಾನಿಯಾಗಿ |

ಭಾರತ ಮಾತೆಯ ಪುಣ್ಯ ನೆಲದಲ್ಲಿ ಹುಟ್ಟಿದೆ ನೀ  ಸುಪುತ್ರನಾಗಿ
ಬೆಳೆದು ನಿಂತೆ ಆ ಕಡಲ ತೀರದಲ್ಲಿ
ನೀನಾದೆ ಕಡಲ ತೀರದ ಭಾರ್ಗವ ಈ ಮಂದಿರದಲ್ಲಿ| 

*** *** *** *** *** *** *** *** 

          ಮಧುಸೂರ್ಯ ಭಟ್...... ✍️

•                     ಧನ್ಯವಾದಗಳು......🙏