ಹೆಸರಿನೊಳೇನಿದೆ ?
ಹೆಸರಿನೊಳೇನಿದೆ ?
ಏನಿದೆ ಈ ಹೆಸರೊಳು?
ನಾ ಕೂಗಲು,
ನೀ ತಿರುಗಲು.
ಹೆಸರಿಟ್ಟ ಉದ್ದೇಶವೇ ಇಷ್ಟು !
ಏತಕೀ ಹೆಸರಿನ ಗಣಿ ?
ಅವಳು ಶ್ರಾವಣಿ,
ಇವಳು ಪಾವನಿ.
ಒಂದೇ ಹೆಸರಿದ್ದರೇ ತೊಂದರೆ ನೂರೆಂಟೆಂದು
ನಾವೇ ಹುಡುಕಿದ ಮಾರ್ಗವೇ ಈ ಹೆಸರೆಂಬುದು.
ಹುಟ್ಟುತ್ತ ಕೂಸದು, ಕಂದವದು,
ಬೆಳೆಯುತ್ತ ಪುಟ್ಟ, ಪುಟ್ಟಿ, ಚಿನ್ನ-ರನ್ನವಾಗುವುದು
ಆದರೂ ಅದಕ್ಕೂ ಬೇಕಲ್ಲವೇ ಗುರುತೊಂದು
ಅದಕ್ಕೆ ನೀಡಿದರು ಹೆಸರೊಂದು.
ಧರ್ಮ-ಕರ್ಮಗಳಿಂದುಳಿವುದೇ ಹೆಸರು
ಹೊರತು, ದುಡ್ಡು-ಕಾಸುಗಳಿಂದಲ್ಲ.
ಹೆಸರಿಂದಲೇ ಅಳೆಯುವುದು ತರವಲ್ಲ.
ಸತ್ತ ಕ್ಷಣವೇ ನಿನ್ನ ಹೆಸರು ನಿನ್ನದಲ್ಲ,
ನೀನೊಂದು ಹೆಣ ಮಾತ್ರ !
ಜಾತಿ-ಜಾತಕಗಳಾಚೆಗೂ ಲೋಕವಿದೆ
ಬರೀ ಹೆಸರಿನೊಳೇನಿದೆ...??