ಬಣ್ಣದೋಕುಳಿ
ಬಣ್ಣದೋಕುಳಿ
ಪ್ರಕೃತಿಯ ಮಡಿಲಲಿ
ಸುಂದರ ರಂಗುರಂಗಿನ ನಿತ್ಯೋತ್ಸವ/
ಕಣ್ಮನ ಸೆಳೆಯುವ ಮೋಹಕ ನೋಟ,
ಚಿರ ನೂತನ ಬಣ್ಣದೋಕುಳಿ//.
ಬದುಕಿಗೆ ನಾನಾ ಬಣ್ಣ
ಬಣ್ಣದೊಡನಾಟ ಅನವರತ/
ಬಣ್ಣದಿಂ ವ್ಯಕ್ತಿತ್ವ ಪರಿಚಯ
ಭಾವನಾತ್ಮಕ ಪರಿಣಾಮ//.
ಕಾಮನ ಬಿಲ್ಲಿನ ಏಳು ಬಣ್ಣ
ಕಾಮನೆಗಳ ಮನ್ಮಥನ ಹೂಬಾಣ/
ಕಾಮಿನಿಯ ಮನದಿ ಹರಿದ ವರ್ಣ
ಕಾಮಿತಾರ್ಥ ಫಲವೀಯ ಮುಕ್ಕಣ್ಣ/.
ಬಣ್ಣ ಬಣ್ಣಗಳಿಂದ ಮನಸ್ಥಿತಿ ಸುಧಾರಿಸಿ
ಹೊಸ ಚೈತನ್ಯ ತುಂಬಲಿ/
ಹೊಸ ಕನಸುಗಳ ಸಾಕಾರ
ಎಲ್ಲರ ಬಾಳಲಿ//.
ರಂಗುರಂಗಿನ ಬಣ್ಣದೋಕುಳಿ
ಸುಂದರ ಸುಮಧುರ ಬದುಕಲಿ/
ಭಾವರಾಗ ಸಂಗಮದಲಿ
ಅನುರಾಗ ಆತ್ಮೀಯತೆ ಬೆಳೆಯಲಿ//.