कुंडी
कुंडी
तेव्हा आजोबा नेहमी बजावून सांगायचे
पाणीटंचाई कितीही असली तरी,
अंगणातील भिंतीवर टांगलेल्या कुंडीमध्ये
नियमित पाणी घालावे
तृषार्त चिमण्या पाखरांसाठी..!
खरंच ,
किती गर्भितार्थ होता
त्यांच्या त्या सांगण्यात,
हे आता आलंय माझ्या लक्षात,
चातक पक्ष्याला
पहिल्या पावसाच्या सरींमधून
पाण्याचा एक थेंब
टिपून तहान भागवताना
जेव्हा मी बघितलं
अन्
पाण्याच्या कुंडीचं महत्त्व
मला कळलं !!!