लाइब्रेरी
प्रोफाइल
आस माता आस दे
आस माता आस दे
1 min
1.8K
आस माता आस दे
आस रे घर वास दे
खट्टी मिट्ठी छाछ दे
घिल्लोड़ी में घी दे
तेल भरी तिल्लोड़ी दे
पेटी भरिया कपड़ा दे
ऊँठों भरिया ओळा दे
पालने में पूत दे
तिजोरी में रुपिया दे
सोने चाँदी री मोहरों
हीरा मोती मांणक दे
लिछमी जी रो ढोलियो
सुख सवा सुहाग दे
घर मौजों मल्हार दे
आस माता आस दे
चुड़लो हाथी दोंत रो
सोने आळी पोंत रो
नथ टीको हंसुलिया
कंगण बींटी पाटला
लूम झूमतो कन्दोरो दे
बिछिया पायल कड़ोलिया
सीधी सुरगों पाळकी
चाईजती सब चीज दे
आस माता आस दे
अणखूटन्ता खळिया दे
मूंग मोठ बाजरियों
खूंटे बन्धियों ऊँठणियों
हाथी घोड़ा करहलिया
कड़ा कसोड़ो कन्थो दे
रैळ छैळ भरपूर दे
सब आसाओं पूर दे
आस माता आस दे।
