કેવી બનાવી દુનિયા

કેવી બનાવી દુનિયા, 

કોઈ કળી ન શકે

એવી અદભૂત રચના, 

કોઈ ઝુંટવી ન શકે.

આ અજાયબ કરામત,

કરી શકે માત્ર ઈશ્વર.

એવી અદભૂત રચના, 

કાળા માથાના માનવીની.

બનાવ્યો એને ઈશ્વરે,

એ બનાવે ઈશ્વરને.

કેવી બનાવી દુનિયા,

કોઈ કળી ન શકે.

રોજ નિત નવા ખેલ રચાય.

લાગે બધું જ મતલબી, 

ક્યાંથી આવે ભરોસો.

રહે છતાંય સહવાસી,

ગમે ત્યાંથી મળે સહાય.

આ અજાયબ કરામત, 

કરી શકે માત્ર ઈશ્વર.

કેવી બનાવી દુનિયા,

કોઈ કળી ન શકે.

બધાને જીવવું છે,

બીજાને હરાવીને.

વધી ના જાય કોઈ આગળ, 

ક્યાંક પાછળ હું ના ગણાવું.

કેમ કરી હું મોટો ગણાવ.

કરી શબ્દોની કરામત,

એમ વિચારી છેતર્યા સહુને.

કેવી અજાયબ કરામત.