વરસાદ

વરસાદને મળી નવરાશ..!

મોડે-મોડેથી આવ્યો ભલે તોયે થઈ ગઈ માનવીને હળવાશ..!

ઠંડો બનીને વાયરો લહેરાયો ને પક્ષીઓ કરે કલશોર,

માટીમાં સૂતેલી ભીની સુગંધ પણ પ્રસરી ગઈ ચારેકોર,

ધીરે-ધીરેથી જે મરી પરવારી'તી એ જીવંત લાગી આજ આશ..!

વરસાદને મળી નવરાશ..!

યાદોનું એકદમ ધસી આવ્યું મનનાં દરવાજે એક ટોળું,

ખાટીમીઠી ને અલબેલી યાદોને એક-એક કરી વાગોળું,

છબછબિયાં કરતા બાળકોને લાગે ખીચોખીચ ખાબોચિયાં ખાસ..!

વરસાદને મળી નવરાશ..!