થાય છે !

એવું ઘણાં લોકોનાં જીવનમાં થાય છે,

થોડી વાર માટે પ્રેમ આવે છે ને જાય છે !

કોઈ આકાશ સામે નજર માંડે ત્યારે,

ખુદના સ્વાર્થથી ઉપર બીજુ શું દેખાય છે !

ને ગરીબી પર ચર્ચા કરવા કરતાં ગરીબની,

પથારી જુઓ,કેમ અને કેવી રીતે પથરાય છે !

અને વાત હોય જો નાકના વટની તો પૂછો,

આંખોને કે કેમ જોઈ સામે તું કતરાય છે ?

હવે સમય છે એવો કે શબ્દો બે માઠા કહેવા પડે,

નહીં બોલો તો ક્યાં કોઈ અહીં શરમાય છે !

વાત કરું જો ફુલની તો એ પાણી વગર નહીં,

તમે એક બીજાથી છુટ્ટા પાડો તોજ કરમાય છે !