તારું મધુર ગુંજન
તારું મધુર ગુંજન
ચીં ચીં કરતી તું મન પ્રફુલ્લિત કરતી,
ગામડાનું એ ઘર તારા નાદથી ગુંજતું કરતી.
ઘરના એક ગોખલામાં તું કાયમ ઘર કરતી,
વસાવી તારો પરિવાર મધુર ગીત ગાતી.
અમારા નિવાસમાં તું નિવાસ કરતી,
એ જોઈ મારા મનની ખુશી વધતી.
નિરાંતના સમયમાં તને નિહાળતી.
તારું ગીતથી મનોમન હું ખુશ થાતી.
ઘણીવાર એમાં જ ક્ષણો પસાર થતી,
મારા જીવનની ગમતી ક્ષણ એ લાગતી.
તારી ગેરહાજરી જ્યારે નજરમાં આવતી,
ત્યારે તારા બચ્ચાંને માળા હું બહાર લાવતી.
મમ્મી પાસે જઈને બાજરો માંગી લાવતી,
તારા બચ્ચાના મોંઢામાં દાણા હું રાખતી.
જેવો દાણો હું ધરતી એ ચાંચ પહોળી કરતી,
આ જોઈ કાયમ મનોમન હું ઘણું હરખાતી.
બાળપણની જાણે તું પ્રિય સખી મારી,
છૂટ્યું જેવું ગામડું શહેર તરફ દોટ મારી.
ને, સાથ તારો છૂટ્યો એ કમી ખટકતી,
નજર મારી કાયમ તારી અન્ય સખીને શોધતી.
તારા કર્ણપ્રિય ગુંજારવ માટે હું તરસતી,
સુખ - સમૃદ્ધિ વધી,પણ મનની ખુશી ઘટી.
આજે પણ હું મકાન બહાર કે બાલ્કનીમાં ઝાકતી,
ને તારું ચીં - ચીં સાંભળવા આંખો તને શોધતી.
બર્ડફીડર ને માળા લગાવી તને નિમંત્રણ આપતી,
રાહ તારી જોતી તો પણ તું ક્યારેય ન આવતી.
સાંભળ્યું, જાણ્યું ને વાંચ્યું કે લુપ્ત હવે તું થાતી,
વિકાસ તો ઘણોય થયો ને ભૌતિક સંપત્તિ સાંપડી.
પણ, ભોગ કોણે આપ્યો....? કે કોનો લેવાયો....?
આ પ્રશ્નના જવાબમાં આંખ આડા કાન કરતો.
હું મનુષ્ય અનેક વિશાળ મિસાલ પુરી પાડતો,
પણ પ્રકૃતિના જતનમાં કાયમ પાછળ રહેતો.