તારો ને મારો સંબંધ

સમયના તાણાં-વાણાંમાં ગુંથાયો છે,

આ અજાણ્યો તારો ને મારો સંબંધ,

નહિં છૂટે આ તાણાં-વાણાં સરળતાથી,

બહું જૂનો છે આ તારો ને મારો સંબંધ,

નથી પડ્યાં ઝાંખાં પતંગિયાની પાંખોનાં રંગ,

તેમજ નથી પડ્યો ઝાંખો આ તારો ને મારો સંબંધ,

ચાલે છે જેમ શ્વાસો વેન્ટીલેટરના સહારે તેમ,

ચાલે છે યાદોનાં સહારે આ તારો ને મારો સંબંધ,

છે જૂનો આ સંબંધ કોઈ ઈમારતની જેમ,

પણ નથી થયો જર્જરીત આ તારો ને મારો સંબંધ,

નથી કોઈ પ્રતિબંધ તને કે મને આ સંબંધમાં,

છતાં કેદ છીએ બંને આ સંબંધની સાંકળમાં.