સ્વપ્ન

સવાર પડતાં ને આંખ ખૂલતાં

મારા શ્વાસોશ્વાસમાં અનુભવાય છે તુંં,

ને માણવા જતાં

ક્યાં ખોવાઈ જાય છે તું ? 

પવનના ઠંડા વાયરામાં ઉભરાય છે તુંં,

ને મારું સ્મિત બની જતાં 

ક્યાં ખોવાઈ જાય છે તું ?

વરસાદની છાંટમાં મારા રોમેરોમ ઉતરે છે તુંં,

તારો હાથ પકડવા જતાં 

ક્યાં ખોવાઈ જાય છે તુંં ?

રાત પડતાં ને નીંદર આવતા 

સ્વપ્નમાં દેખાય છે તુંં,

નીંદર ઊડી જતાં

ક્યાં ખોવાઈ જાય છે તુંં ?

મારું સ્વપ્ન બની જાય છે તું.