સુંદર બાગ

એક મજાનો સુંદર બાગ,એમાં બે ભમરાઓ પેઠા,

એક કહે વળી બીજાને "અલ્યા ! ફૂલ અહી મજાના."

આજ સુધી આ બાગમાં આપણે, કેમ કદી ના આવ્યા ?

અહી તો ફૂલ છે મઘમઘતાં ને, જાતજાતનાં વાવ્યાં.

ક્યાંય જવાની જરૂર ન'તી ને, કેમ જ્યાં ત્યાં ભટક્યા ?

આવું મજાનું ઉપવન હોય તો, શીદને બીજે જાવું ?

મન ફાવે ત્યાં આપણે જઈએ, મન ફાવે ત્યાં રહીએ,

આપણા મનના માલિક આપણે, મન પડે ઉડીએ.

કરેણ- ગુલાબ, મોગરો- ગલગોટો, પારિજાત - ચમેલી,

હરીએ ફરીએ ઊડીએ ભમીએ, ગુંજારવ કરતાં રહીએ.