સલામો કરૂં બીજના ચાંદને,

સલામો

Ο

સલામો કરૂં બીજના ચાંદને,

સલામો જમીંને ને આસ્માં તને !

સલામો ચમનને ને વેરાનને

ઉછેર્યો તમે એક ઈન્સાનને. ૧

દીઠાં છે ન કાશી કે કાબા અમે,

કુરાનો પુરાણો પડ્યાં નૈ અમે,

ન નાપાક કે પાકના ભેદની

કિતાબો અમે ઉમ્રભરમાં ભણી. ર

અમે જે હતા ઢૂંઢતા તે જડ્યું

અહીં એક ઈન્સાનને દિલ ભર્યું

નયન નીતર્યું ને સબકથી સર્યું

નૂરે–વસ્લ: એણે વતનને ધર્યું. 3

અમે મિસ્કિનોને શી દૌલત મળી !

ગરૂરી વધી નૈ, ગઈ ઓગળી.

હતા કંજુસો કાળજૂના અમે ,

ગયા વીફરી, રે ફના કાં ગમે ! ૪