પણ નથી મળતા શબ્દો મારી માં
પણ નથી મળતા શબ્દો મારી માં
ભલે ને મારા સપના હોય અઢળક,
પણ મારા સપનાની દુનિયા તો,
તું જ છે મારી મા,
ભલે નું હું ભણ્યો હોય અઢળક,
પણ મારી જીવનની નિશાળ તો,
તું જ છે મારી મા,
ભલે ને મે વાંચ્યા પુસ્તકો અઢળક,
પણ એ પુસ્તકો નું ગ્રંથાલય તો,
તું જ છે મારી મા,
ભલે ને થઈ હોય અદભૂત અનુભૂતિ અઢળક,
પણ એ અનુભૂતિની વિભૂતિ તો,
તું જ છે મારી મા,
ભલે ને મારું તન ફરે આ દુનિયા અઢળક,
પણ મારા મનની મંજિલ તો,
તું જ છે મારી મા.
ભલે ને હું શીખ્યો ભાષાઓ અઢળક,
પણ મારો શબ્દકોશ,
તું જ છે મારી મા.
પણ તોય નથી મળતા શબ્દો,
તારી માટે મારી મા.