પ્લાસ્ટિક

કોથળી, સ્ટ્રો, પ્લેટ્સ ને બાઉલ્સ,

અત્ર, તત્ર ને સર્વત્ર કોણ ?

બસ, પ્લાસ્ટિક ને પ્લાસ્ટિક.

મૂંગા પશુઓ ને પંખીઓના,

મોતના સામાન સમું શું ?

બસ, પ્લાસ્ટિક ને પ્લાસ્ટિક.

ઉંચા ઉંચા ઘૂમરાવાઓ લ‌ઈ,

બાજની જેમ ઉડતી કોથળીઓ,

ચારેકોરથી વૃક્ષોને બાજીને બેસતું કોણ ?

બસ, પ્લાસ્ટિક ને પ્લાસ્ટિક.

પૃથ્વી પર કદી નાશ ન પામતું,

છતાં આપણાં સૌનું ચહીતું કોણ ?

બસ, પ્લાસ્ટિક ને પ્લાસ્ટિક.

ધરા, અગ્નિ, આકાશ, વાયુ ને પાણી,

પંચ મહાભૂતોને અભડાવતું એ કોણ ?

બસ, પ્લાસ્ટિક ને પ્લાસ્ટિક.

હે માનવ, તું છો સર્જનહાર પ્લાસ્ટિકનો,

હવે, બની એનોજ યમદૂત,

પર્યાવરણ બચાવ તું,

હટાવ, પ્લાસ્ટિક રે પ્લાસ્ટિક..